Á breddanum

Jón Kragesteen, formaður í FNU, luttekur í kjaki um veðurlagslóg. Lurta her: https://www.fm1.fo/kjak-ov-nogv-skrivstovuveldi-ger-tad-trupult-at-fremja-grona-orkuskiftid/

Ben Arabo heldur, at vit skulu koyra veðurlagslógina í skrell. Men Fróðskaparsetrið, Bakkafrost, Hiddenfjord, Reyði Krossur, SEV, Tórshavnar kommuna, Effo, og nógv onnur, siga við okkara politikarar, at ein veðurlagslóg er ein fyrimunur, ikki ein hóttan. FNU harmast um mongu ósannindini, sum hava fingið loyvi at fylla í miðlunum seinastu dagarnar. Tí loyva vit okkum her at koma við eini rættleiðing til nakrar fáar av teimum mongu villleiðandi útsøgnunum hjá Ben Arabo.

Svar til lesarabræv hjá Ben Arabo, sum hevur arbeitt í oljuvinnuni og er kendur forsprákari fyri, at vit skulu halda fram at nýta olju. Í lesarabrævinum eru nógv uppáhald, sum – fyri at siga tað milt – eru tikin úr leysum lofti. Taka vit uppáhaldið um, at Bretland “fer í næstum at strika sína veðurlagslóg”, so er tað snøgt sagt ikki rætt. Veruleikin er, at tað er ein andstøðupolitikari – forkvinnan í Konservativa flokkinum – sum hevur givið eitt politiskt lyfti til sínar velj