Náttúruperlan vesturi á Víkum friðast

September 19, 2017

FNU hevur heitt á friðingarnevndina fyri Vága sýslu um at friða økið vesturi á Víkum.

 

Friðaða økið skal fevna um alt frá Fjallavatni til Barðið, umframt havøkið fram við landi, har frítt útsýni er.

 

Sjáldsama vakurt er vesturi á Víkum, har plantu- og djóralívið er ógvuliga ríkt og fjølbroytt. Verður alivirksemi vesturi á Víkum, sum annars ætlað, fer hetta at gera stóran skaða á náttúru- og mentanarvirði í økinum.

 

Vesturi á Víkum ber til at njóta stórfingnu náttúruna, og serliga verður hetta gjørt um longsta dag. Staðið liggur væl fjalt burturfrá allari búseting, og er nærum órørt av mannahondum.

 

Frá fyrsta degi hevur hetta fjarskotna øki fest seg í hugaheimin hjá fólki. Huldukonurnar sum seyðamaðurin á Sondum rendi seg í búðu í hesum økinum.

 

Í ”Feðgar á ferð” lýsir Heðin Brú umhvørvið á Víkum ein óveðursdag. Ketil og Kálvur eru farnir at leita eftir rekaviði til árar. Teir hava gingið alla náttina, og eftir at nátt hevur føtt morgun, og teir hava fingið válgara og drýl, síggja teir oman í víkina: ”Víkin stendur í einum roki, óløgini koma hvítbroddað uttan av havi, sorast millum sker og kolsteinar, bróta í lepum inn yvir mølir og urðar, dunandi og brestast so høgt á loft, sjógvurin skolar blámandi heilt niðan í grasið, missir ferðina og rennur dassleittur og darvaður oman aftur. Í gjótum og urðargloprum liggja moldgráar skúmfannir og rúgva upp, meðan stormurin skræðir burtur av teimum í erva og sandrar fløkini niðan yvir hagan.”

 

Vesturi á Víkum rennur Reipsá, ein av fáu stóru áunum í Føroyum. Hon fer frá Fjallavatni og út í Reipsáfoss.

 

Í slíkari náttúruperlu, sum er óbygd og enntá spard fyri vegi og bilum, er tað er ein stórur missur at staðseta ídnað. Aling fer at oyðileggja serstaka dámin og vakra útsýnið á staðnum, og fer at bera við sær bæði dálking og órógv, sum fer at órógva lívsgongdina hjá fugli og kópi.

 

Frálíka innslagið í Degi og viku 24/5-16 við Sigurð Nordendal, sum í innslagnum vísir á, hví økið vesturi á Víkum er serstakt, sæst her.

 

Til ber at lesa áheitanina hjá FNU um at friða økið vesturi á Víkum her.

 

Fylgiskjal_3_Vesturi_á_Víkum
Fylgiskjal_3_Vesturi_á_Víkum
Fylgiskjal_5_Reipsá
Fylgiskjal_5_Reipsá
Fylgiskjal_4_Reipsá
Fylgiskjal_4_Reipsá
Fylgiskjal_2_Vesturi_á_Víkum
Fylgiskjal_2_Vesturi_á_Víkum

 

 

Please reload

Nýggjastu tíðindi

FNU og Fuglafrøðifelagið fingið stuðul til at seta samskipara

December 6, 2019

Náttúrumargfeldislóg og átøk sum minka um útlátið hava skund

October 24, 2019

Røða hjá Guðruni Zachariasen til fólkafundin umhvørvinum at frama, í Viðarlundini 24. august

September 15, 2019

Røða hjá Magnusi Gaard til fólkafundin umhvørvinum at frama, valið 2019

August 27, 2019

Røða hjá Katrini Petersen til fólkafundin umhvørvinum at frama, valið 2019

August 27, 2019

Røða hjá Hjálmari Hátún til fólkafundin umhvørvinum at frama, valið 2019

August 27, 2019

Gott umhvørvisval!

August 22, 2019

Fólkafundur umhvørvinum at frama leygardagin 24. august

August 21, 2019

Viðmerkingar til uppskot um Veðurlagspolitikk Føroya fram til 2030

August 4, 2019

Fólkafundur í Ergidali 06.07.19

July 15, 2019

Please reload

Føroya Náttúru- og Umhvørvisfelag. Dr. Dahlsgøta 10, 100 Tórshavn. Teldupostur: fnu@fnu.fo

  • Wix Facebook page
FNU
  • Tíðindi

  • Umhvørvisbloggurin

  • Um FNU

  • Gerst limur

  • Myndasavn

  • More